ONLINE KABITA ASARA

***** ଲଣ୍ଠନ ***** ଲଣ୍ଠନ ଜଳୁଛି ଦପ୍ ଦପ୍ ଲିଭିବାକୁ ଦେବିନି କେବେ କିରୋସିନି ଦେଇ ଜାଳୁଥିବି ସବୁବେଳେ l ଜାଳୁଥିବି ମୁଁ ଜାଳୁଥିବି  କିରୋସିନି ଦେଇ ଜାଳୁଥିବି କାହିଁକି ଜାଣ ? ଲଣ୍ଠନ ଜଳୁଛି ଘରେ ଉଜ୍ୱଳ କରୁଛି ନାହିଁ ତା ମନେ ଛନ୍ଦ କପଟ କାହାକୁ ଆଲୋକ ଦେଇ  କାହାକୁ ଅନ୍ଧାର କରିବ କିଏ କଣ କହିଲା ନାହିଁ ମନେ ଦ୍ଵନ୍ଦ୍ଵ l ଚୁପ୍ ଚାପ୍ ଜଳୁଛି ନ ରଖି ମନେ ଭୟ ଆସିଲେ ପବନ ଲିଭିନି ପୁଣି ସାହସୀ ହୋଇ ଠିଆ ହୋଇଛି ସିଏ l ସଳିତା ଟିକେ କିରୋସିନି ବୁନ୍ଦେ ଏତିକିରେ ଉଜାଲା କରୁଛି ସିଏ ଅଛି ଆମ ପାଖେ ହାତ ଗୋଡ ଆଖି କାନ ବୁଝିବାର ଶକ୍ତି  ହେଲେ ଆମେ ଅହଙ୍କାର ଗର୍ବେ କପଟେ ଦେଉଛୁ ସମସ୍ତଙ୍କୁ ଛାଡି ନ ପାରୁଛୁ କିଛି ଉନ୍ନତି କରି ସ୍ନେହ ମମତାରେ ନିଜର କରି l ✍️ଡିଲେଶ୍ୱରୀ ମେହର ବିଜେପୁର, ବରଗଡ଼

ମୁନୁଷ ଜୀବନ ______________ ମୁନୁଷ ଜୀବନ ବଢେ କଲବଲ ଛୁଆ ବୁଢ଼ା ବେଲେ ଜନା ପଡସି ଯୁବା ବଏସେ ମଲ୍ଲି ଫୁଲ ଫୁଲ ବାସସି ରାଏତ ଦିନ ଗୁଟେ କରି ସବକର ଲାଗି ଖଟସି ବୁଢ଼ା ହେଇଗଲେ ଖଟ ଧରିକି ମେଢ଼ିଶାଲେ ଶୁଇସି । ବୁଢ଼ା ବେଲେ ଜର ଋଗ୍ ଖାନ୍ସି ବିମାର ଧରସନ ଆମର ଆଡେ ଇ ରୁଗକେ ଭାଇ ବୁଢ଼ାରୁଗ ବଲସନ । ସବୁ ପିଲାକେ କରୁଛେ ନିବେଦନ ରଖବ୍ ମୋର କଥା ବୁଢ଼ା ବୁଆ ମା କି ଦାଦାକେ ନାନିକେ ନି ଦେବ ହେନତା ବ୍ୟଥା।                                        ଅଭିନବ ପଟ୍ଟନାୟକ ବୌଦ୍ଧ

ନିଖୋଜ ହୃଦୟ ---------------- ପହିଲି ବସନ୍ତେ ପହିଲି ପହରେ ଯେବେ ମୁ ତତେ ଦେଖିଲି ସେଇଦିନଠୁ ମୁ ପ୍ରେମରେ ପଡ଼ିଲି ଦେଇଥିଲୁ କଥା ହେବୁ ସାଥୀ ମୋର ହୃଦୟୁ ମୁ ଭଲ ପାଇଲି ଭଲ ପାଇଲି ବୋଲି ତ ହୃଦୟ ଦେଲି କାହିଁକି କେଜାଣି କାଳବୈଶାଖି ଆସିଲା  ସେଇ ଝଡେ ତୁ ହଜିଗଲୁ ପ୍ରିୟା ହୃଦୟ ମୋ ହଜିଗଲା । ପୁଅ ପଚାରୁଚି ମୋତେ ବାପା ତମ ହୃଦୟ କୁଆଡେ ଗଲା । ମୁଁ ପଚାରିଲି ତାକୁ ତତେ କିଏ ଏକଥା କହିଲା ପୁଅ କହେ ମୁରୁକି ହସି ମା ମତେ ଏକଥା କହିଲା । ଆଜିଠୁ ବାଇଶ ବରଷ ତଳେ ତମ ହୃଦୟ ହଜିଗଲା । ପୁଅ କଥା ଶୁଣି ସେ କଥା ମନେ ପଡ଼ିଲା  ପୁଅ କହେ ବାପା ଚାଲ ତମ ହୃଦୟ ଖୋଜିବା ଭଲା ।                                      ଅଭିନବ ପଟ୍ଟନାୟକ ,ବୌଦ୍ଧ

ସେଇ ପତଳା ପାନଡବା ------------------------------ ଜେଜିମା' ପାନ ଭାଙ୍ଗେ ବସି , ବାପା ଯିବେ କଟକ ଅଫିସ୍ । ଜେଜିମା' ପାନକୁଟାରେ  ନିଜ ପାଇଁ ପାନଛେଚି  ପାଟିରେ ପକାଏ ,  ବାପାଙ୍କ ପାନଭଙ୍ଗାରେ ଧ୍ୟାନ ଦେଇଥାଏ । ଜେଜିମା' ଜେଜେବାପାଙ୍କ ସୁଦାମ କେତକୀ ଧୂଳିଗୁଣ୍ଡି ପାନ, ବାପାଙ୍କର ଗୋପାଳ ଡିଲକ୍ସ ଜାଫ୍ରାନ ସକାଳର ବାଡ଼ିକାମ କେଉଁ ଦିନ ଖେତକାମ ସବୁସାରି ସାଇକେଲ ଧରି , ବାପା ଫେରିଥା'ନ୍ତି ସଫେଇ କେନାଲରୁ  ପ୍ରାତଃସ୍ନାନ ସାରି । ଘରେ ସମସ୍ତେ ବ୍ୟସ୍ତ , ସମୟ ବା କେତେ ହୋଇଥିବ ? ସାଢ଼େ ଆଠ କି ନଅଟା ବାଜିବ  , ଠିକ୍ ସାଢ଼େ ନଅଟା ବେଳକୁ ସପ୍ତାହରେ ଛଅଦିନ ବାପାଙ୍କର ଏମିତିକା ଗସ୍ତ । ଠିକ୍ ନଅଟା ବେଳକୁ ଆମେ ସବୁ ଭାଇ ଦୁଃଖୀନାନୀ ଘରୁ ସକାଳ ପଢ଼ାସାରି ତରତର ଭାବ ,ଉତ୍ସାହିତ ମନ , କୂଅମୂଳେ ଡବଡବ ପାଣିଢାଳି ହୋଇ ବାପାଙ୍କ ସାଙ୍ଗେ ଗୋଟିଏ ଥାଳିରେ  ଗରମ ଖାଇବାକୁ ବସୁ ଯେ ବହନ । ସ୍ୱର୍ଗୀୟ ଆନନ୍ଦ , ସବୁ ରୁଚିକର , ନାହିଁ ଭଲମନ୍ଦ । ଆମେ ସ୍କୁଲ୍ ବାହାରୁ ଧୋତି ପଞ୍ଜାବି ପିନ୍ଧି ବାପା ବାହାରନ୍ତି , ଗେହ୍ଲାରେ ଚିବୁକକୁ ଧରି ବୋଉ ନାହିଁ ବୋଲି ଶିଙ୍ଗପାନିଆରେ  ଆମ ମୁଣ୍ଡ କୁଣ୍ଡାଇ ଦିଅନ୍ତି , ଭଲ ପଢ଼ିବାକୁ ଉପଦେଶ ଦେଇ ଅଫିସ ଯାଆନ୍ତି । ଜେଜିମା' ପାନଡବା ଦିଏ, ସେ ପତଳା ଡବାଟିରେ ପତଳା ଚୂନ , ଅଳ୍ପ ଖଇର କେଇଖଣ୍ଡ ଗୁଆ , ଡିଲକ୍ସର ଛଅଖଣ୍ଡ ପାନ ସଜାହୋଇ ଥାଏ  । ଓ...